Нашето органско бадемово масло се добива од зрели, слатки бадеми – “pinchados”. Во Шпанија, жетвата на бадеми се одвива во август, и потоа бадемите се транспортираат во Германија. Се одбираат само плодовите со најдобар квалитет, ладно се пресуваат  и потоа се филтрираат. Пресувањето се врши машински. Несаканите протеински елементи се одделуваат во процесот на филтрирање. Само овој процес на чистење може да го гарантира постојаниот квалитет на производот и безбедноста. 

Бадемовото масло е едно од најмногу ценетите и најскапите масла за нега на кожа. Содржината на масло во бадемите е помеѓу 50 и 55%. Бадемовото масло е светло жолтеникаво, доста ретко и има карактеристично благ мирис и вкус. Поради својот состав, бадемовото масло припаѓа меѓу најценетите масла за нега на кожа и има многу хранливи својства: бадемовото масло е природно богато со соодветни за кожата, моно- и ди- незаситени масни киселини (>90%) кои особено добро ја хранат и заштитуваат кожата. Процентот на олеинска киселина (~70%) е особено висок во бадемовото масло, проследен од линолеинска киселина (>20%) која ја активира кожата. Гама-линоленската киселина има особено позитивен ефект на сувата кожа. Бадемовото масло исто така содржи природен витамин Е (токоферол), кој е антиоксидант (против слободните радикали) и на тој начин ја заштитува кожата од надворешни влијанија.

Бадемовото масло е со докажана ефективност во козметиката со векови, и било познато со неговите својства за нега низ историјата. Веќе се докажало како особено ефикасно за нега на бебешка кожа и особено добро се толерира од чувствителна и сува кожа. Бадемовото масло е неспоредливо благо и не иритира. Поради комбинацијата од неговите хранливи својства и посебната мекост патронажните сестри многу често го препорачуваат за нега на бебешката кожа. Совршено е и како масло за масажа, правејќи ја кожата пријатно мека и нежна.